कोभिड १९ बाट मृत्यु हुनेको संख्या ५९ हजार नाघ्यो
विश्वभर फैलिएको कोरोनाभाइरस (कोभिड १९) को संक्रमणबाट मृत्यु हुनेको संख्या ५९ हजार नाघेको छ ।
अन्तर्राष्ट्रिय सञ्चारमाध्यमहरुका अनुसार संक्रमितको संख्या १० लाख ९८ हजार नाघेको छ । अहिलेसम्म कोरोनाको संक्रमण २०५ देशमा फैलिएको छ ।
अमेरिका, स्पेन, इटालीलगायतका देशमा तिब्र रुपमा संक्रमण फैलिएको छ । सबैभन्दा बढी मृत्यु हुने देशहरमा इटाली र स्पेनपछि अमेरिका देखिएको छ ।
नेपाली समय अनुसार शनिबार बिहानसम्म इटालीमा मृतकको संख्या इटालीमा १४ हजार नाघेको छ भने स्पेनमा ११ हजार, अमेरिकामा ७ हजार र फ्रान्समा ६ हजार नाघेको छ ।
अमेरिकामा पछिल्लो २४ घण्टामा एकहजार ३०० को मृत्यु भएको हो ।
चीन, इरान र बेलायतमा कोभिड १९ बाट ज्यान जानेको संख्या ३ हजार नाघेको सञ्चारमाध्यमहरुले लेखेका छन् ।
-1732452683.jpg)
