कतारबाट फर्किएका तीन जनाको नमूना परीक्षणको रिपोर्ट नेगेटिभ
फ्रान्सबाट कतार हुँदै आएकी कोरोना सङ्क्रमित युवतीसँगै बाँके आएका तीन जनाको नमूना परीक्षण रिपोर्ट नेगेटिभ देखिएको छ ।
नेपालगञ्ज उपमहानगरपालिकाले सञ्चालन गरेको क्वारेन्टाइनमा राखिएका उनीहरु सहित ६ जनाको नमूना परीक्षणको लागि काठमाडौं पठाइएकोमा नेगेटिभ रिपोर्ट आएको नेपालगञ्ज उपमहानगरपालिका स्वास्थ्य शाखा संयोजक रामबहादुर चन्दले बताए ।
यसअघि पहिलो चरणमा सात जनाको नमूना जाँच गर्न पठाइएकामा ती नमूना पनि नेगेटिभ नै आएको चन्दले बताए ।
बाँकेमा कोरोनाको आशंका गरिएका २३ मध्ये दुई चरणमा गरी १३ को रिपोर्ट नेगेटिभ आएको र १० जनाको रिपोर्ट आउन बाँकी रहेको उनले जानकारी दिए । चन्दका अनुसार, तेस्रो चरणमा शनिबार थप १० जनाको नमूना परीक्षणका लागि काठमाडौं पठाइएको छ ।
-1732261651.jpg)
-1732259528.jpg)
