कोभिड–१९ संक्रमित युवतीको अवस्था जटिल छैन : अस्पताल
कोभिड–१९ पोजेटिभ देखिएर शुक्रराज टपिकल तथा सरुवा रोग अस्पताल टेकूमा भर्ना भएकी १९ वर्षीया युवतीको अवस्था जटिल नभएको अस्पतालले जनाएको छ ।
अस्पतालका निर्देशक डा. सागरकुमार राजभण्डारीले हिमालखबरसँग कुरा गर्दै उनको अवस्था जटिल नभएको बताएका हुन् ।
“उहाँको केस आत्तिनुपर्ने खालको छैन" राजभण्डारीले भने। उनका अनुसार, ती युवतीलाई निमोनिया पनि नदेखिएकाले निको पार्न सकिने अवस्था छ।
उनको उपचारमा चिकित्सकले अजिथ्रोमाइसिन लगायतका एन्टीबायोटिक औषधि चलाएका छन्। उनी ४ चैतमा फ्रान्सबाट नेपाल आएकी थिइन्।
-1732353496.jpg)
