उपाधि जित्न लिभरपुललाई नौ अंक मात्रै आवश्यक
इंग्लिस प्रिमियर लिगमा लिड लिडर लिभरपुललाई उपाधि जित्न नौ अंक मात्रै आवश्यक रहेको छ । आइतबार बर्नमाउथलाई पराजित गर्दै लिभरपुल उपाधि अंक नजिक पुगेको हो ।
लिभरपुलसँग बर्नमाउथ २–१ गोल अन्तरले पराजित भयो । पहिलो गोल गर्दै बर्नमाउथले अग्रता लिएको थियो । बर्नमाउथका लागि कलम विल्सनले नवौं मिनेटमै गोल गर्दै अग्रता दिलाएका थिए ।
तर, अग्रता जोगाउन नसक्दा बर्नमाउथ पराजित भयो । २५औं मिनेटमै मोहम्मद सलाहले गोल गरे । यसको ८ मिनेटपछि साडियो मानेले गोल गरेपछि लिभरपुलले अग्रता लियो । यसपछि गोल हुन नसक्दा लिभरपुल विजयी भयो ।
जितसँगै, लिभरपुलले २९ खेलबाट ८२ अंक जोडेको छ । दोस्रो स्थानमा म्यानचेस्टर सिटीले भने २७ खेलबाट ५७ अंक मात्रै जोडेको छ ।
-1732261651.jpg)
-1732259528.jpg)