नेपाललाई नेपालीमूलकै सुरजकुमार चुनौती
एक दिवसीय क्रिकेटको मान्यता पाए पछि नेपाली क्रिकेट टीमले दुई वटा एक दिवसीय सिरिज खेलेको छ । यी दुवै सिरिजमा पराजित नभएको नेपालले बुधबारबाट भने आईसीसी वल्र्डकप डिभिजन लिग टुको खेल शुरु गर्नेछ ।
घरेलु मैदान कीर्तिपुरमा ओमान विरुद्ध खेल्दै नेपालले एक दिवसीय यात्रा अगाडि बढाउनुपर्नेछ । अमेरिका, ओमान र नेपाल सम्मिलित सिरिजमा नेपालको भने विश्वकप छनोटका लागि पहिलो खेल हो । अमेरिका र ओमानले भने आठ–आठ खेल खेलिसकेको छ ।
दश वर्ष नेपाली क्रिकेटको नेतृत्व गर्दै पारस खड्काले राजीनामा दिए पछि कप्तान बनेका ज्ञानेन्द्र मल्लका लागि यो सिरिज निकै महत्वपूर्ण हुनेछ । बुधबार बिहान १० बजे शुरु हुने खेलमा नेपालले ओमानलाई हराउन सजिलो भने हुनेछैन ।
गएको १० अक्टोबरमा ओमानसँग उसकै घरेलु मैदानमा फराकिलो अन्तरले पराजित भएको थियो । पाँच देश सम्मिलित टी–ट्वान्टी सिरिजमा ओमानसँग नेपाल ४९ बल रहँदै ६ विकेटले पराजित भएको थियो ।
ओमानको टीममा सन् २०१८ देखि खेल्न थालेका अलराउण्डर ३१ वर्षीय सुरजकुमारको पुर्खौली घर, बाग्लुङको बुर्तिबाङ हो । उनी वैदेशिक रोजगारीका लागि सन् २०१५ मा ओमान पुगेका थिए ।
त्यसबेला नेपालका लागि नेपाली मुलकै खेलाडी बाधक बनेका थिए । ६५ रनको सामान्य चुनौती पछ्याएको ओमानका लागि सुरजकुमार नेपालीले अविजित रहँदै ३० बलमा ४५ रन जोड्दै बिस्फोटक ब्याटिङ गरेपछि नेपाल पराजित हुन पुगेको थियो । उक्त खेलबाट सुरजकुमार नेपाली मूलकै भएको धेरैले थाहा पाए ।
बुधबार ओमान विरुद्ध हुने खेलमा पनि तिनै सुरजकुमार नेपाली चुनौतीका रुपमा देखिएका छन् । उत्कृष्ट फर्ममा देखिएका सुरजकुमारले जारी एक दिवसीय लिगको पाँच खेल मात्रै ब्याटिङ गर्दै एक अर्धशतक सहित ११८ रन जोडिसकेका छन् ।
ओमानको टीममा सन् २०१८ देखि खेल्न थालेका अलराउण्डर ३१ वर्षीय सुरजकुमारको पुर्खौली घर, बाग्लुङको बुर्तिबाङ हो । उनी वैदेशिक रोजगारीका लागि सन् २०१५ मा ओमान पुगेका थिए । साेमपाल कामीसँगै भारतका विभिन्न ठाउँबाट खेलेकाे सुरजकुमार भारतबाटै ओमान गएका हुन्।
कुनै पनि देशमा तीन वर्ष बसेपछि उक्त देशबाट खेल्न पाउने आईसीसीको प्रावधानअनुसार, सुरज ओमानको राष्ट्रिय टीमबाट खेल्छन् । विकेट किपर समेत रहेका सुरजकुमार गएको ८ जनवरीमा नामिबिया विरुद्ध ५८ रन जोडेका थिए ।
त्यसै पनि जारी लिगमा ओमानका ब्याटिङ लाइन राम्रैसँग चलिरहेको छ । सुरजकुमार सहित पाँच जनाले अर्धशतक जोडिसकेका छन् । लिग टु को बढी रन बनाउने खेलाडी सूचीमा ओमानका आकिब सलेह्री, खवार अली, जतिन्दर सिंह, सन्दीप गउड र सुरजकुमार छन् । यी पाँचै जनाले अर्धशतकीय पारी खेलेका छन् ।
सन् २०१८ मा एसिया कप छनोट खेलमा नेपाल विरुद्ध खेल्दै ओमानको राष्ट्रिय टीममा डेब्यू गरेका सुरजकुमारका लागि भने आफ्नै पुर्खौली देश विरुद्ध हुने तेस्रो खेल हो ।
सलेह्रीले ६ ओडीआईमा चार अर्धशतक गर्दै ३०८ रन जोडिसकेका छन् भने खवार अलीले ६ इनिङमा एक अर्धशतक सहित १५५ रन जोडेका छन् । जतिन्दर सिंहले एक अर्धशतक सहित १४२ र सन्दीप गउडले एक अर्धशतक १३३ रन जोडेका छन् ।
विकेट किपिङ, ब्याटिङ, बलिङ र फिल्डिङ गर्न सक्ने सुरजकुमारको प्रदर्शन ओमानका लागि महत्वपूर्ण हुनेछ । सँगै, वैदेशिक रोजगारका लागि ओमान पुगेर त्यही देशबाट खेलिरहेका सुरजकुमार नेपालका लागि भने चुनौती हुनेछन् ।
सन् २०१८ मा एसिया कप छनोट खेलमा नेपाल विरुद्ध खेल्दै ओमानको राष्ट्रिय टीममा डेब्यू गरेका सुरजकुमारका लागि भने आफ्नै पुर्खौली देश विरुद्ध हुने तेस्रो खेल हो । उनले ओमानबाट सात एक दिवसीय, १३ टी–ट्वान्टी र १५ लिष्ट ए खेलिसकेका छन् ।
-1732180391.jpg)
-1732099242.jpg)