नेपाल आइडलको उपाधि रवी ओडलाई
नेपाल आइडल सिजन–२ को उपाधि धनगढीका रवी ओडले जितेका छन् । ६ पुसमा पुल्चोक इन्जिनियरिङ क्याम्पसको प्राङ्गनमा भएको ‘ग्राण्ड फिनाले’ मा ओडलाई सिजन–२ को विजेता घोषणा गरिएको हो ।
ओडले उपहारस्वरुप होण्डा डब्लूआरभी गाडी र २२ लाख नगद जितेका छन् । त्यस्तै, आयोजकले ओडको लागि एउटा एल्बममा लगानी गर्नेछ र सांगीतिक कार्यक्रमको लागि विश्व भ्रमण गराउनेछ ।
उपाधि प्राप्त गरेपछि रवीले प्रतिस्पर्धी अन्य तीनजना पनि विजेता नै भएको बताएका छन् ।
यो सिजनको फस्ट रनरअप पोखराका बिक्रम बराल भएका छन् । बरालले २० लाख नगद सहित ‘सिल्भर ट्रफी’ पाएका छन् । सेकेण्ड रनरअप भएका झापाका सुमित पाठकले १५ लाख नगद र ‘ब्रोन्ज ट्रफी’ जिते । त्यसैगरी चौथो भएकी झापाकै अस्मिता अधिकारीले होण्डा डियो स्कूटर प्राप्त गरेकी छन् ।
अन्तिम प्रतिस्पर्धीको रुपमा रहेका चारैजना संयुक्त रुपमा सांगीतिक कार्यक्रम लिएर विश्वका विभिन्न देश पुग्नेछन् ।
-1732261651.jpg)
-1732259528.jpg)
