मनीषा कोइरालाको पुस्तक ‘हिल्ड’ आउँदै
अभिनेत्री मनीषा कोइरालाको पुस्तक ‘हिल्ड’ पुस दोस्रो सातादेखि बजारमा आउने भएको छ ।
आज काठमाडौंमा आयोजित समारोहमा कोइरालाले पोखरामा ७–१० पुससम्म हुने ‘आईएमई नेपाल लिटरेचर फेस्टिभल’मा पुस्तकको ‘ग्लोबल लन्च’ गरिने जानकारी गराएकी हुन् ।
क्यान्सरविरूद्धको लडाइँबारे केन्द्रित उक्त पुस्तक सबैका लागि उपयोगी हुने विश्वासका साथ लेखिएको कोइरालाले बताएकी छन् । कार्यक्रममा कोइरालाले आफूलाई क्यान्सर लागिसकेपछि भएको दुःख र अनौठो किसिमको अनुभूतिलाई पुस्तकमा समेटेको बताइन् । साथै क्यान्सर भइसकेपछि आफ्नो जीवन कसरी अघि बढिरहेको छ भन्नेसमेत पुस्तकमा उल्लेख रहेको उनको भनाइ छ ।
क्यान्सरका साथै कोइरालाको जीवनमा घटेका थुप्रै घटनाक्रमलाई समेटेर लेखिएको उक्त पुस्तकको नेपाली अनुवाद प्रकाशक फाइन प्रिन्टबाट बजारमा आउने जनाइएको छ । भारतमा यो पुस्तक पेन्गुइनले प्रकाशन गरेको छ ।
-1732261651.jpg)
-1732259528.jpg)
