रानी मुखर्जी 'मर्दानी २' मा देखिने
सन् २०१४ मा आएको रानी मुखर्जीको एक्सनले भरिपूर्ण फिल्म 'मर्दानी' अझै पनि बलिउडका धेरै दर्शकको मानसपटलमा ताजै छ।
गएको मार्च महीनामा रिलिज भएको 'हिच्की' पछि उनी कुनै पनि फिल्ममा देखिएकी छैनन्। तर, अब रानी यशराज फिल्म्सको सुपरहिट पुलिस ड्रामा फिल्म 'मर्दानी' को सिक्वल 'मर्दानी २' मार्फत पर्दामा आउने भएकी छिन्।
क्राइम थ्रिलर 'मर्दानी' २०१४ को सुपरहिट फिल्म साबित भएको थियो, जसमा रानीले क्राइम ब्रान्च प्रहरी अधिकृत शिवानी रायको भूमिकामा अभिनय गरेकी थिइन्।
आदित्य चोपडाले निर्माण गर्ने 'मर्दानी २' को निर्देशन नयाँ निर्देशक गोपी पुथरनले गर्ने जनाइएको छ। उनी 'मर्दानी' को पहिलो भागका लेखक समेत हुन्।
फिल्मको सिक्वल बन्न लागेको सन्दर्भमा रानीले भनेकी छिन्, ''मर्दानी सधैं मेरो मनको निकै नजिक रहँदै आएको छ। फिल्म रिलिज भएसँगै मानिसहरुले यसको सिक्वल कहिले आउँछ भनेर सोधिरहेका थिए। मलाई आशा छ, सिक्वलको घोषणाले सबै खुशी भए होलान्। गोपी पुथरनले गजबको स्क्रिप्ट तयार पारेका छन्। म अब सुटिङको व्यग्र प्रतीक्षामा छु।"
'मर्दानी २' मा आफ्नो भूमिकाबारे कुरा गर्दै उनले एक पटक फेरि खतरनाक खलनायकको सामना गर्दै गरेको देखिने बताएकी छिन्। उनले भनिन्, "मेरो चरित्र शिवानी धेरै राम्रो गरी लेखिएको छ। म फिल्ममा अभिनेता को छन् भनेर थाहा पाउन धेरै उत्सुक छु।''
फिल्मको सुटिङ नयाँ वर्ष २०१९ देखि सुरु हुने र वर्षको अन्तिममा रिलिज हुने जनाइएको छ। - एजेन्सी
-1732261651.jpg)
-1732259528.jpg)
