हिमालखबर :: HimalKhabar - A Complete Nepali Political News Portal

अर्थ

नेवानिलाई आन्तरिक उडानको जहाज खरिद योजना बनाउन निर्देशन

संस्कृति पर्यटन तथा नागरिक उड्डयन मन्त्री योगेश भट्टराईले हिमाली, पहाडी तथा दुर्गम क्षेत्रमा उडान गर्ने जहाज खरिद योजना बनाउन नेपाल वायुसेवा निगम (नेवानि)लाई निर्देशन दिएका छन्। दुर्गम क्षेत्रका नागरिकहरूलाई सेवा उपलब्ध गराउन आन्तरिक उडानका लागि हवाई जहाज खरिद योजना तत्काल अघि बढाउन नेवानिलाई मन्त्री भट्टराईले निर्देशन दिएको पर्यटन मन्त्रालयले जारी गरेको विज्ञप्तिमा उल्लेख छ।

‘कुलमानजीलाई निरन्तरता दिने वा नदिनेबारे केही निर्णय भएको छैन’- ऊर्जामन्त्री बहालवाला कार्यकारी निर्देशक कुलमान घिसिङको पदावधि २९ भदौसम्म रहेकाले कसलाई नियुक्त गर्ने भन्ने प्रस्ताव त्यसअघि नै मन्त्रिपरिषद्‌मा लैजाने ऊर्जा, जलस्रोत तथा सिँचाइमन्त्री वर्षमान पुनले बताएका छन्।

कौसीमा फल्न थाल्यो ड्रागन फ्रुट, यसरी गर्न सकिन्छ खेती उत्पादनका हिसाबले उर्भर भूमि मानिने उपत्यका अहिले कंक्रिटका घरहरूले भरिएको छ। तर, उर्जाशील किसानहरूले यही कंक्रिटको राजधानीमा घरको छत र कौसीमा फलफूल र तरकारी उत्पादन गरेर राम्रो आम्दानी गरिरहेका छन्।

निजगढ विमानस्थल बनाउँदा काटिने रुखको गणना सकियो, ५७ हजार ३५० रुख काट्नुपर्ने राष्ट्रिय गौरवको आयोजनाको रुपमा रहेको निजगढ अन्तर्राष्ट्रिय विमानस्थलको कामले तीव्रता लिएको छ। विमानस्थल निर्माणस्थलमा पर्ने रुख कटानका लागि हालसम्म सो क्षेत्रका ५७ हजार ३५० रुख गणना कार्य सकिएको छ भने त्यस क्षेत्रमा नदी नियन्त्रणका काम पनि धमाधम भइरहेको छ।

ऋण लिएर घर र गाडी किन्दा अब ब्याजदर परिवर्तन नहुने ब्यांक तथा वित्तीय संस्थाका ऋणीहरुको सधैं गुनासो हुन्छ, ऋण लिँदा ब्याजदर एउटा तोकिएको हुन्छ, तर ब्यांकले बिस्तारै ब्याजदर बढाउँदै लैजान्छन्। ऋण लिने बेलाको भन्दा ब्याजदर बढाउँदै लगेपछि किस्ता तिर्ने बेला मध्यम वर्गलाई सधै सकस पर्छ।

जग्गाको कित्ताकाट फुकुवा बदर गर्न सत्तारूढ नेकपा निकट किसान महासंघको माग सत्तारूढ दल, नेपाल कम्युनिष्ट पार्टी (नेकपा)को भातृ संस्था अखिल नेपाल किसान महासंघले जग्गाको कित्ताकाट फुकुवा गर्ने निर्णय बदर गर्न माग गरेको छ। महासंघले विज्ञप्ति निकालेर जग्गाको कित्ताकाट तत्काल रोक्न र कृषि भूमिको खण्डीकरण रोक्न माग गरेको हो।

विवादपछि पूर्व-पश्चिम रेलमार्गको इनरुवा-काँकडभिट्टा खण्डको ठेक्का रद्द रेल विभागले प्रस्तावित पूर्व-पश्चिम रेलमार्गअन्तर्गत इनरुवा-काँकडभिट्टा खण्डको ट्रयाक बेड बनाउन निकालेको ठेक्का स्थगित गरेको छ। विभागको रेल, मेट्रोरेल तथा मोनोरेल विकास परियोजनाले सार्वजनिक सूचना जारी गरी ठेक्का प्रकृया रद्द गरेको जनाएको छ।

मल किन्न बिहान ४ बजेदेखि नै लाइन बस्छन् किसान युरिया मलको चरम अभाव हुँदा चितवनका किसानहरू मर्कामा परेका छन्। धानबालीमा हाल्ने समय हुदाँ समेत मल नपाउँदा मर्कामा परेका किसान मल पाइने आशमा बिहान ४ बजेदेखि नै बिक्री केन्द्र पुगेर लाइन बस्ने गरेका छन्।

सामसङले नेपालमा सार्वजनिक गर्‍यो ग्यालेक्सी नोट-२० का दुईवटा मोडल सामसङ नेपालले आफ्ना 'फ्ल्यागसिप प्रोडक्ट'हरू ग्यालेक्सी नोट-२० र नोट-२० अल्ट्रा नेपाली बजारमा सार्वजनिक गरेको छ। कम्पनीले दुवै मोडलका सेटमा काम गर्न र गेम खेल्नको लागि सहज हुने बताएको छ।

व्यवसायी भन्छन्- पर्यटन क्षेत्रलाई लयमा फर्काउन पाँच वर्ष लाग्छ कोभिड-१९ का कारण क्षतिग्रस्त भएको पर्यटन व्यवसायलाई पुनः लयमा फर्काउन चारदेखि पाँच वर्ष लाग्ने सरोकारवालाहरूले बताएका छन्। कोभिड संक्रमण कहिलेसम्म रहने हो भन्ने यकिन नभएकाले पर्यटक आउने वातावरण नबनेसम्म पर्यटन क्षेत्रमा सुधार नआउने उनीहरूको मत छ।

जग्गाको कित्ताकाट फुकुवा, घरजग्गा व्यवसायीको स्वार्थमा खुलाइएको आरोप सरकारले जग्गाको कित्ताकाटमा लगाएको प्रतिबन्ध हटाएको छ। भूमि व्यवस्था, सहकारी तथा गरिबी निवारण मन्त्री पद्‌मा अर्यालले १८ भदौमा कित्ताकाट फुकुवाको निर्णय गरेकी हुन्। १९ भदौमा मन्त्रालयले भूमि व्यवस्थापन तथा अभिलेख विभाग र नापी विभागलाई पत्र पठाउँदै कृषियोग्य जग्गाको खण्डीकरणबारेका पूर्वनिर्णयहरू बदर गरिएको उल्लेख गरेको छ।

पर्यटन खुलाउन फेरि जुटे व्यवसायी, ३२ पर्यटकीय संस्थाले अगाडि सारे १७ बुँदे सुझाव कोरोना महामारीका कारण थलिएको नेपालको पर्यटन क्षेत्र खुलाउन ३२ वटा पर्यटनका व्यवसायीक संस्थाले १७ बुँदे माग अगाडि सारेका छन्। ‘नेपालको पर्यटन क्षेत्रमा कोरोनाभाइरसको प्रभाव र पुनरुत्थानका लागि अबका दिनहरूमा अपनाउनुपर्ने रणनीति’ सहितको सुझाव अगाडि सारेको पर्यटन व्यवसायीले बताएका छन्।

रासायनिक मल उत्पादन कारखाना स्थापनाको सम्भाव्यता हेर्न कार्यदल गठन सरकारले नेपालमै रासायनिक मल उत्पादन गर्ने कारखानाको सम्भाव्यता अध्ययन गर्न उच्चस्तरीय कार्यदल गठन गरेको छ। कृषि तथा पशुपन्छी विकास मन्त्रालयका सचिव राजेन्द्रप्रसाद भारीको संयोजकत्वमा गठन भएको ‘रासायनिक मल कारखाना सम्भाव्यता अध्ययन कार्यदल’ले नेपालमा मल कारखाना स्थापनाको सम्त्रन्धमा अध्ययन गरी सुझाव पेश गर्नेछ।

मल नल्याउने दुई कम्पनीसँगको ठेक्का रद्द, करिब साढे ९ करोड धरौटी जफत

हिमालखबर

कृषि सामाग्री कम्पनीले तोकिएको समयमा रासायनिक मलको आपूर्ति नगर्ने दुई कम्पनी शैलुङ इन्टरप्राइजेज र हानोको मल्टिपर्पोजसँगको ठेक्का रद्द गर्दै यी कम्पनीलाई कारबाही गरेको छ। कम्पनीको आइतबार बसेको वैठकले यी दुई कम्पनीले राखेको करिब रु. साढे नौ करोड ब्यांक धरौटी जफत गर्ने निर्णय गरेको हो।