हिमालखबर :: HimalKhabar - A Complete Nepali Political News Portal

टिप्पणी

शंकर तिवारी

शंकर तिवारी

देउवालाई 'स्टेट्सम्यान' बन्ने अवसर -शंकर तिवारी राष्ट्रिय राजनीतिको गाँठो फुकाउन 'किंकर्तव्यविमूढ' कांग्रेस नेतृत्वले पहलकदमी लिने हो भने देउवालाई स्टेट्सम्यान बन्न कसैले रोक्न सक्तैन। अनुभवका हिसाबले तीन–तीन पटक प्रधानमन्त्री भएका देउवा समकालीन राजनीतिमा सर्वोच्च 'स्टेट्सम्यान' को दर्जामा देखिन्छन्। तर, उनको 'स्टेट्सम्यानसिप' भने पार्टी सभापतिका रूपमा राष्ट्रिय राजनीतिका पछिल्ला समस्या समाधानमा चाल्ने कदममा निहित छन्। विगतका आधारमा भन्ने हो भने, देउवा निष्ठाभन्दा व्यवहारवादी राजनीतिका पक्षपाती लाग्छन्। तर, यतिबेला उनले निष्ठाको नेता बन्दै शक्तिका प्रति अनासक्त भएर राजनीतिक घटनाक्रम र जनचाहना नियाल्न सक्नुपर्छ।

राधेश्याम अधिकारी

राधेश्याम अधिकारी

संविधान संशोधन: समस्या कि समाधान? -राधेश्याम अधिकारी के.पी. ओलीलगायत आजका हाम्रा नेताहरूको अगाडि दुई विकल्प छन्– आफूले जारी गराएको संविधानलाई लागू हुन दिने वा अकाल मृत्युवरण गराउने। संसद्बाट आउने नतीजालाई सबैले मान्ने शर्तमा संविधान संशोधन प्रक्रिया टुंग्याएर निर्वाचनमा जानुको विकल्प छैन।

वसन्त महर्जन

वसन्त महर्जन

काष्ठमण्डप: न हिन्दूको न बौद्धको -वसन्त महर्जन पाटी, पौवा, सत्तलजस्ता सांस्कृतिक सम्पदा कुनै खास धर्म–सम्प्रदायसँग जोडिएकै हुन्छन् भनेर बुझ्नु गलत हो। काष्ठमण्डपको पूर्वरूप एउटा बौद्ध विहार थियो भन्ने दाबीको खण्डन पुरातात्विक उत्खनन्‌को पहिलो चरणमै भइसकेको छ। यो सत्तलका निर्माता प्रसिद्ध तान्त्रिक लीलाबज्र बज्राचार्य थिए भन्ने दाबी गर्दै आएका बौद्धहरू पुरातात्विक उत्खनन्‌ले त्यसको पुष्टि गरेको भनी उत्साहित छन्, तर इतिहासको तिथिमितिमा ध्यान नदिई।

विष्णु रिजाल

विष्णु रिजाल

अदालतबाट अपेक्षा संसद् समस्यामा फसेर अलपत्र परेको लोकमान प्रकरणको पटाक्षेप सर्वोच्च अदालतबाटै हुने देखिएको छ।

पुरञ्जन आचार्य

पुरञ्जन आचार्य

संविधान किन धरापमा? -पुरञ्जन आचार्य फ्रान्सदेखि नेपालसम्मका क्रान्तिले सिकाएको पाठ के हो भने परिवर्तनलाई ठीक ढंगले व्यवस्थित गर्न नसक्दा 'क्रान्तिले आफ्नै सन्तानलाई खान्छ।' नेपालको राजनीतिमा कम्युनिष्ट सिद्धान्त, आदर्श र व्यवहार केही नगर्नुपर्ने तर पार्टीको नाम कम्युनिष्ट राख्नुपर्ने अचम्मको फेसन छ अझै। नेपाली कांग्रेस र यसका नेताहरू पनि ७० वर्ष पुग्न लाग्दैछन्। नेताहरू जैविक कारणले वृद्ध भएका हुन्, तर पार्टी आन्तरिक जीवनमा रोग लाग्नाले ७० वर्षमै थकित देखिएको हो।

शेखर खरेल

शेखर खरेल

बिरामी शहर विकासका नाममा भइरहेको अनियन्त्रित शहरीकरण, सवारी चाप र प्रदूषणका कारण काठमाडौंले आफ्नो जीवन्तता गुमाइरहेको छ । मास्कले नाक छोप्दै र आँखा मिच्दै बाटो हिंडिरहेका शहरका नरनारी देख्दा लाग्छ, उनीहरू कुनै युद्धमैदानमा छन्, जसले आफ्नो स्वास्थ्य दाउमा राखेका छन् ।

ज्ञानमणि नेपाल

ज्ञानमणि नेपाल

नेपाललाई अँचेटिराख्ने दाउ (इतिहास) ६ थरी भारदारको अथक् प्रयत्नले नेपालको सीमा ६ दशकसम्म पूर्वमा टिष्टा र पश्चिम सतलज पारिसम्म पुग्यो। यसरी पृथ्वीनारायण जस्ता विजिगीषु (विजयको इच्छा गर्ने) राजा, बहादुर शाह जस्ता षाड्गुण्यपारङ्गत (राजनीतिका ६ वटै गुणमा पारङ्गत) र सुझबुझ भएका नायव र त्यस्तै सुझबुझ भएका ६ थरी भारदारको जमघटबाट नेपाल एकीकरण सम्पन्न भएको हो। सुगौली सन्धिपछि नेपालले ब्रिटिश सरकारले खटाएर दिएका हतियार किनेर ल्याउनुपर्‍यो। चन्द्रशमशेरले चाहिए जति हतियार किनेर लिन पनि मगन्ते जस्तो दयापात्र बन्नु परेको बेखुशी ब्रिटिश विदेश सचिवसँग प्रकट गरेथे। राणाकालकै पनि प्राइमिनिष्टरहरू विदेशीसँग नेपालको अधिकार जताएर बात गर्थे, अहिलेकाहरू त आदेश शिरोपर गर्न अघि सर्छन्।

शेखर खरेल

शेखर खरेल

कालवेलाको कांग्रेस देशलाई नै दिशानिर्देश गर्ने मतादेश पाएको सबैभन्दा ठूलो दल नेपाली कांग्रेसको दिशाहीनताले दल मात्र होइन मुलुक नै अनिश्चयको भुमरीमा फँस्दैछ ।

टीकाराम राई

टीकाराम राई

भारतको अर्को ‘ब्लण्डर’ -टीकाराम राईभारतले सीमापार विद्युत् व्यापार सम्बन्धी नयाँ निर्देशिका ल्याएर नेपालमा नाकाबन्दीपछि अर्को ‘ब्लण्डर’ गर्दैछ । नेपालको जलविद्युत क्षेत्रका लगानीकर्तामा तत्कालै त्रास र अनिश्चितता पैदा गरेको भारतीय निर्देशिकाले नेपाललाई अझ ठूलो सम्भावनातर्फ उन्मुख गराउनसक्छ ।

वसन्त महर्जन

वसन्त महर्जन

वीरगंजलाई अवसर: भिस्वा स्तूप देशका अन्य शहरमा जस्तै आन्तरिक पर्यटकका लागि रुचिकर हुने अनेकौं स्थल रहेको वीरगंजमा रहेको भिस्वा स्तूपलाई अन्तर्राष्ट्रिय आकर्षणको रूपमा प्रवर्द्धन गर्न सकिन्छ।

जीवनप्रसाद राई

जीवनप्रसाद राई

दैलेखी पौरख आफ्नो सम्भावना पहिचान गरेर काम थालिसकेको दैलेखले स्किम, लगानी र सरकारी प्रोत्साहन खोजेको छ।

विष्णु रिजाल

विष्णु रिजाल

इतिहास दोहोर्‍याउने समय विष्णु रिजाल एक अर्ब रुपैयाँ लाग्ने सडकको लागि चार करोड बजेट छुट्याउने सरकारी तालले २५ वर्षमा पनि दक्षिणकै भरलाई कायम राख्नेछ । एक अर्ब रुपैयाँ लाग्ने सडकको लागि चार करोड बजेट छुट्याउने सरकारी तालले २५ वर्षमा पनि दक्षिणकै भरलाई कायम राख्ने छ । नेपालपक्षबाट पहल भए चीन जोड्ने ६ वटै नाका खुलाउन र चलाउन सहयोग गर्ने मनस्थितिमा छ बेइजिङ ।

वसन्त महर्जन

वसन्त महर्जन

थाङ्काको तमासा: रेकर्डको लोभ मात्र -वसन्त महर्जन विश्वको सबभन्दा ठूलो भनिएको थाङ्का, जसलाई भित्तामा झुन्ड्याउन सकिन्न। सार्वजनिक प्रदर्शनीमा राख्दा पनि त्यसलाई चौरमा बिछ्याउनु परेको छ। यो विशाल थाङ्का नियाल्न कि अग्लो ठाउँमा उक्लिनुपर्छ कि त हेलिकप्टरमा सवार हुनुपर्छ। प्रदर्शनीमा आउनेहरू चाहिं 'विश्वकै ठूलो रे' भन्दै सर्सर्ती एकछेउ हेरेर फर्केका थिए। बुझ्न खोज्नेलाई प्रदर्शनस्थलमा बाँडिएको परिचय पुस्तिकामा छापिएको त्यसैको सानो प्रतिलिपिले मात्रै सघायो। यो त 'संसारको सबभन्दा ठूलो सारंगी' भनेजस्तै भयो, जुन बजाउन मिल्दैन। बौद्ध आस्थालाई दुई देशबीचको दौत्य सम्बन्धसँग समेत जोडेर गरिएको मिहिनेतको परिणाम तमासामा सीमित हुनु अपेक्षित कुरा होइन।

विष्णु रिजाल

विष्णु रिजाल

संशोधन प्रस्ताव: सरकारलाई नै गलपासो संविधान संशोधनका लागि चाहिने दुईतिहाइ मत नजुटाई प्रस्ताव दर्ता गरेर सरकार आफैं समस्यामा परेको छ।

वसन्त महर्जन

वसन्त महर्जन

बौद्ध होइन खास्तिचैत्य अनेकौं मिथकले छोपिएको बौद्धस्तूपको तथ्यमा आधारित ऐतिहासिकता सिद्ध गरेर वास्तविक नाम चलाउन ढिलाइ भइरहेको छ। अहिले बौद्ध स्तुप भनिने खास्तिचैत्यको निर्माणकाल इस्वीको सातौं शताब्दीको पहिलो दशक हुनआउँछ। राजा शिवदेवले खास्तिचैत्य बनाएको भन्ने स्पष्ट भएपछि स्तूपसँग जोडिएर आउने गरेका ज्याजिमा लगायतका किम्बदन्तीहरू रोचक कथा मात्र हुन् । खास्तिचैत्यको कुरालाई मिथकहरूले छोपेर राख्नुभन्दा इतिहासलाई स्वीकारेर थप अध्ययनको बाटो लिनुमा बुद्धिमत्ता छ।

टीकाराम राई

टीकाराम राई

इतिहास दोहोरिंदैछ (नेपाल-चीन ब्यापार) -टीकाराम राईभारतका कारण एकाएकजसो पुनर्जागृत हुन पुगेको नेपाल–चीन व्यापार तथा आवागमनमा अवरोध पनि भारतबाटै हुनेछ। गान्सु–सिगात्से र ग्वाञ्झाओ–सिगात्से सीधा ढुवानी रेल सेवाले नेपाल–चीन व्यापारिक विस्तार गर्ने र भारतमाथि नेपालको निर्भरता घटाउने हुनाले यो विकासक्रम नयाँदिल्लीको स्वार्थ प्रतिकूल छ। त्यो अवस्थामा नेपालमा चिनियाँ उपस्थिति जनस्तरमै बढेर आफ्नो नियन्त्रण कमजोर बन्ने हुनाले भारत अब ओली सरकारको पालामा काठमाडौं र बेइजिङबीच भएको पारवहन, यातायात, इन्धन र 'कनेक्टिभिटी' सम्बन्धी सम्झौताहरूलाई तुहाउन लागिपर्नेछ। त्यसको पहिलो प्रहार गल्छी–रसुवागढी सडक स्तरोन्नति परियोजनामा पर्न सक्छ।

हिमालखबर

हिमालखबर

'राणाकालमा जति पनि मानवीय संवेदना देखिएन' -रमेशनाथ पाण्डे "सत्याग्रही मार्ने बाटोमा अग्रसर सरकार र दलहरुले ‘कलर रिभोलुसन’लाई निम्तो दिँदैछन् । राज्यले बुझ्नुपर्छ सडकमा टायर बाल्ने दुईचार हजारभन्दा शान्तिपूर्ण रुपमा टाउकोमा कालोपट्टी बाँधेर मण्डलामा उभिनेहरुमा नैतिक शक्ति धेरै गुणा बढी हुन्छ । नन्दप्रसादको जस्तै गति डा केसीको भयो भने इतिहासले तपाईँहरुलाई क्षमा गर्ने छैन ।"

प्रदीप ज्ञवाली

प्रदीप ज्ञवाली

स‌ंविधान संशोधन: विखण्डनको चाल प्रमुख प्रतिपक्ष नेकपा (एमाले) को असहमति र मधेशी मोर्चाको असन्तुष्टिका बीच सरकारले संविधान संशोधन गर्ने तयारी थालेसँगै राष्ट्रिय राजनीतिमा जटिलता, असमझदारी र द्वन्द्व थपिएको छ । आज आफ्नो निर्वाचन क्षेत्र सुरक्षित गर्ने शर्तमा प्रदेश ५ बाट पहाडी जिल्ला छुटाउन सहमति जनाउने ‘वरिष्ठ नेताहरू’ ले बुझिराख्दा हुन्छ– त्यसपछि तपाईंहरूले त्यसलाई अखण्ड राख्न सक्नुहुने छैन ।

वसन्त महर्जन

वसन्त महर्जन

दशगजामा बौद्ध बिहार: टाउकोदुखाइ मात्र बसन्त महर्जन नेपाल र भारतको पूर्वी सीमाको दशगजामा भारतीय पक्षले बनाउन लागेको बौद्ध विहार अहिले बौद्धहरूकै लागि टाउकोदुखाइको विषय बनेको छ। बौद्धहरू कसैको स्वार्थमा प्रयोग हुनु भनेको जनसाधारण र समाजबाट टाढिनु पनि हो, जसले बौद्ध धर्मको हित हुने कल्पना गर्न सकिन्न।

विष्णु रिजाल

विष्णु रिजाल

सर्वथा अनुत्तीर्ण कांग्रेस थुप्रै अक्षम्य गल्तीका बाबजूद कांग्रेसलाई पटकपटक जनताले माफी दिएका छन्। पटकपटक विश्वास गरेका छन्। तर, कांग्रेसले कहिल्यै जनमतको सम्मान गर्न जानेन।

शेखर खरेल

शेखर खरेल

प्रहरी कसको साथी नेपाल प्रहरी जनताको, लोकमानसिंह कार्कीको वा अन्य कुनै शक्तिकेन्द्रको साथी हो? परीक्षण जरूरी छ।

विष्णु रिजाल

विष्णु रिजाल

अंगीकृतलाई प्रमुख पद: मधेशकै अहितमा विष्णु रिजाल'विवाह गरेर आऊ, आजै नागरिकता लेऊ' भन्ने यति उदार संविधान अन्यत्र छ र? जबकि, नेपाली महिलाले भारतीय पुरुषसँग बिहे गरेमा त्यहाँको नागरिकता प्राप्त गर्न नेपालको नागरिकता त्यागेर सात वर्ष कुर्नुपर्छ। अंगीकृत नागरिक सर्वोच्च पदमा जान नपाउने संविधानको प्रावधानले नेपालको सरहदभित्र जन्मेेको, बाबु–आमाको ठेगान नभएको वा अंगीकृत नागरिकको कुनै पनि सन्तानलाई असर पार्दैन।

टीकाराम राई

टीकाराम राई

अमेरिकामा ट्रम्पको विजय: प्रम दाहाललाई पाठ दाहाल सरकारले अमेरिकी निर्वाचन परिणामको सन्देश मनन् गरेर तदनुरूपका कदम चाले माओवादी केन्द्र र देशलाई पनि राम्रै हुन्छ ।

लेखनाथ पौड्याल

लेखनाथ पौड्याल

संकटमा क्षेत्रीय सहकार्य हिमालय–हिन्दमहासागर क्षेत्रीय सहकार्यका लागि सार्कको अस्तित्व र प्रभावकारिता अनिवार्य छ।

पुरञ्जन आचार्य

पुरञ्जन आचार्य

अग्निपरीक्षामा कांग्रेस नेतृत्व - पुरञ्जन आचार्यधेरैको अड्कल विपरीत नेपाली कांग्रेसका सभापति शेरबहादुर देउवा अख्तियार दुरुपयोग अनुसन्धान आयोगका प्रमुख आयुक्त लोकमानसिंह कार्की विरुद्ध उभिए। देउवाको लागि कार्की विरुद्ध उभिनु सामान्य थिएन, तर उनले हिम्मत गरेर 'अब लोकमानलाई बचाउन सकिन्न' भनी कांग्रेस कार्यसमिति र संसदीय दललाई आश्वस्त पारे, युवा नेताहरूलाई हौस्याए। देउवाले कांग्रेस सभापति र संसदीय दलको नेता भएपछि राष्ट्रिय राजनीतिमा खेलेको भूमिकाबारे समीचीन समीक्षा गर्ने समय भइसकेको छैन। देशमा विद्यमान विषम राजनीतिक–सामाजिक परिस्थितिमा उनले लिएको जिम्मेवारी सिंहावलोकन गरेर चुनौतीहरूबारे सतर्क गराउनुपर्ने समय भने यही हो।

टीकाराम राई

टीकाराम राई

'विशेष सम्बन्ध' को धराप नेपालसँग विशेष सम्बन्ध रहेको भनेर नथाक्ने भारतीयहरू यसैको बलमा निरन्तर हस्तक्षेप गरिरहेका छन्। २००७ सालमा राजाका निजी सचिव खटाउनेदेखि कार्कीको महाअभियोग बदर गर्न नेतालाई दबाब दिने कार्य भारतीय विदेश नीति अन्तर्गत नै भइरहेका छन्। भारतको घोषित यही नीतिकै कारण नेपालमा भारतविरोधी जनमत बढेको हो, जसले उसलाई बेफाइदा भइरहेको छ।

शेखर खरेल

शेखर खरेल

पाखण्डी चिनौं 'चोरकै ठूलो स्वर' भने झै पाखण्ड ब्रान्डका असली उपभोक्ताहरू नै नैतिकता, इमान र आदर्शका चर्का कुरा गर्छन्। अन्तर्यबाट नभएर आवरणबाट छवि निर्माणको नियोजित यत्न नै पाखण्ड हो। पाखण्डीहरू आवरणलाई महत्व दिन्छन्, तर आत्मशुद्धिको झिनो प्रयाससम्म गर्दैनन्। झूट, छल र लोकरिझ्याईं उनीहरूका अस्त्र हुन्।

शंकर तिवारी

शंकर तिवारी

अहंकारको अवसान व्यवस्थापिका–संसद्मा विचाराधीन महाअभियोग प्रस्ताव लोकमानसिंह कार्कीका सबै अन्ध महत्वाकांक्षाहरूको अन्त्यको यात्रा हो।

विष्णु रिजाल

विष्णु रिजाल

मुखर्जी भ्रमण: हार्दिकता वृद्धिको अवसर राष्ट्रपति प्रणव मुखर्जीको नेपाल भ्रमणले उच्चस्तरीय भ्रमणलाई दुईतर्फी बनाउनुका साथै संविधान निर्माणको क्रममा तिक्त बनेको नेपाल–भारत सम्बन्धलाई सहजतामा फर्काउन पनि मद्दत गर्नेछ।

नेपाली जुवा मैले जुवा कैल्यै जानिनँ र सिकिनँ पनि, तर हामी ‘मणिहरूको’ घरमा पञ्चकको जुवा बडो भक्तिभावले मनाइन्थ्यो, खेलिन्थ्यो । जुद्धशमशेरले त अंग्रेजले दोस्रो विश्वयुद्ध जित्दा समेत तीन शहरमा जुवा फुकाएका थिए– दुई पटक एक–एक दिन ।

Previous 43 44 45 46 47 Next