अर्थ/बजारमंगलवार, कार्तिक १३, २०७५

सोनी कम्पनीको आम्दानी दोब्बर

हिमालखबर

टीभी, मोवाइललगायत विद्युतीय उपकरणका प्रतिष्ठित निर्माता  कम्पनी सोनीले गत वर्षको तुलनामा छ महिनाको अवधिमा आफ्नो नाफा दोब्बरले वृद्धि भएको घोषणा गरेको छ।

गत अप्रिलदेखि सेप्टेम्बरको अवधिका छ महिनामा कम्पनीको खुद नाफा ३ अर्ब ५० करोड अमेरिकी डलर (३९९ अर्ब येन) पुगेको कम्पनीले जनाएको छ। यो नाफा गत वर्षको तुलनामा ८८ प्रतिशतले बढी हो।

सञ्चालन नाफा पनि २० प्रतिशतले वृद्धि भई ४३४ अर्ब येन पुगेको छ भने बिक्रीमा सुधार आई करिब ४० खर्ब येन भएको छ। यो गत वर्षको तुलनामा ५.५ प्रतिशत बढी हो।
– एएफपी

प्रतिकृया दिनुहोस