कला/साहित्यसोमवार, कार्तिक ५, २०७५

पुरानो

कविता

हिमालखबर

विप्लव ढकाल

पुरानो बन्दूकबाट
निस्किएका विचारहरू पुराना छन् !
पुरानो बाँसुरीबाट
जन्मिएका आवाजहरू पुराना छन् !
पुरानो कलमबाट
लेखिएका कविताहरू पुराना छन् !
पुरानो रगतबाट
कोरिएका सिमानाहरू पुराना छन् !

नयाँ के छ हँ यो दुनियाँमा ?
म खोजिरहेछु निरन्तर...
तर मेरा खोजीहरू
सबै–सबै पुराना छन् !
नयाँ बाटो भेटें कि भनेको थिएँ
बाटाहरू पनि पुराना छन् !
पुरानो कोटभित्र पुरानो शरीर !
पुरानो शरीरभित्र पुरानो मस्तिष्क !
पुरानो मस्तिष्कभित्र पुरानै विचार !
पुरानै देखिन्छन् सपनाहरू पनि !

उफ् !
म मात्र अब
कसरी नयाँ हुन सक्छु ?

पढ्नुहाेस् ।

मासिक स्रावको मिथक

प्रतिकृया दिनुहोस