थप समाचारशुक्रवार, आश्विन २६, २०७५

मोरङमा सडक दुर्घटना, तीन जनाको मृत्यु

हिमालखबर

मोरङको बेलबारी र कानेपोखरीमा २५ असोज साँझ भएको सवारी दुर्घटनामा तीन जनाको मृत्यु भएको छ ।

बेलबारी–४ मा ना ५ ख १९२० नम्बरको ट्रकले को १२ प ९६८२ नम्बरको मोटरसाइकललाई ठक्कर दिंदा मोटरसाइकलमा सवार बेलबारी ११ का मानबहादुर राई (४५) र वर्ण राई (५०) को मृत्यु भएको हो ।

दुर्घटनामा घाइते भएका दुवैको धरानस्थित वीपी कोइराला स्वास्थ्य विज्ञान प्रतिष्ठानमा उपचारका क्रममा मृत्यु भएको प्रहरीले जनाएको छ ।

यस्तै कानेपोखरी–७ मा ना ५ ख २१४१ नम्बरको बसले ठक्कर दिंदा स्थानीय विष्णु भेटवाल (५०) को मृत्यु भएको छ ।

सडक पार गर्ने क्रममा बसको ठक्करले घाइते भएका भेटवालको विराटनगरस्थित न्यूरो अस्पतालमा उपचारका क्रममा मृत्यु भएको प्रहरीले जनाएको छ ।

कमल रिमाल

प्रतिकृया दिनुहोस