खेलकुदशुक्रवार, चैत्र ३०, २०७४

डिपिएल फाइनलः धनगढीद्वारा काठमाडौंलाई १८२ रनको लक्ष्य

हिमालखबर

धनगढीमा जारी रुस्लान धनगढी प्रिमियर लिग (डिपिएल) क्रिकेट प्रतियोगिताको फाइनल खेलमा टिम चौराह धनगढीले काठमाडौं गोल्डेन्सलाई १८२ रनको लक्ष्य दिएको छ ।

आज प्रदेश–७ को संघीय एकाइ प्रहरी कार्यालयको खेल मैदानमा भइरहेको फाइनलमा धनगढीले टस जितेर ब्याटिङ रोजेको थियो ।

निर्धारित २० ओभरको खेलमा धनगढीले चार विकेट गुमाउँदै १८१ रन बनाएको छ ।

धनगढीका लागि सुनिल धमलाले ७८ तथा रोहन मुस्तफाले ६० रनको योगदान दिए ।

धमलाले ६३ बलमा तीन छक्का र आठ चौका प्रहार गरे । मुस्तफाले ४२ बल खेल्दै चार छक्का र चार चौका हाने । सोमपाल कामीले अविजित रहँदै आठ रन बनाए ।

बलिङतर्फ काठमाडौंका लागि सुबोथ भाटीले दुई तथा सन्नी पटेलले एक विकेट लिए ।

अहिले काठमाडौं गोल्डेन्स १८२ रनको विजय लक्ष्य पछ्याउँदै ब्याटिङ गरिरहेको छ ।

प्रतिकृया दिनुहोस