थप समाचारशुक्रवार, श्रावण २०, २०७४

पहिरोमा परी एकै परिवारका चारसहित छ जनाको मृत्यु

हिमालखबर

बाग्लुङको निसीखोला गाउँपालिका–२ मा गएको पहिरोमा पुरिएर एकै परिवारका चार जनाको मृत्यु भएको छ ।

मृत्यु हुनेमा ६८ वर्षीय मणिमान छन्त्याल, उनकी श्रीमती ६३ वर्षीया नन्दकली, बुहारी २२ वर्षीया विन्दु र १८ वर्षीया छोरी गीताको मृत्यु भएको प्रहरीले जनाएको छ ।

चारै जनाको शव घरभित्र पुरिएको अवस्थामा भेटिएको प्रहरी प्रमुख चन्द्रकुवेर खापुङले जानकारी दिए ।

त्यस्तै पहिरोले घर पुरिँदा ढोरपाटन नगरपालिका–५ अधिकारीचौरका ५४ वर्षीय ओमबहादुर विकको मृत्यु भएको छ भने पहिरोमा परी बेपत्ता निसीखोला गाउँपालिका–१ हुल्दीकी ७५ वर्षीया खगिसराको पनि शव फेला परेको छ ।

भीषण वर्षापछि गएराति ठाउँ–ठाउँमा गएको पहिरोले धनजनको क्षति पुर्‍याएको हो । रासस

प्रतिकृया दिनुहोस