थप समाचारसोमवार, जेठ १, २०७४

‘मतदाता शिक्षा अभावले धेरै मतदाता अन्योलमा’

हिमालखबर

स्थानीय तह निर्वाचनको पर्यवेक्षण गरेको संस्था स्कोप नेपालले पहिलो चरणको स्थानीय निर्वाचनमा धेरै ठाउँमा मतदाता शिक्षाको अभावमा मतदाता ठूलो अन्योलमा परेको जनाएको छ ।

मतपत्रमा धेरै चुनाव चिन्ह रहनु तथा महिला, दलित र खुला दुई सदस्यका लागि मतदान गर्ने विधिलाई लिएर मतदाताहरुवीच ठूलो अन्योल देखिएको भन्दै उसले मतपत्र प्राप्त गरिसकेपछि पनि धेरै मतदाता अलमलिएको भेटिएको उल्लेख गरेको छ ।

काठमाडौं, ललितपुर, भक्तपुर, सिन्धुपाल्चोक, काभ्रे, चितवन, मकवानपुर, धादिङ, नुवाकोट, कास्की, पर्वत, स्याङ्जा, म्याग्दी, तनहु“, मुस्ताङ, दैलेख, सुर्खेत लगायत जिल्लामा पर्यवेक्षण गरेको स्कोप नेपालद्धारा जारी विज्ञप्तिमा उल्लेख छ ।

निर्वाचन पर्यवेक्षण प्रमुख केशबहादुर शाहीले मतदाता शिक्षाको अभावले धेरै मतदाता अन्योलमा परे पनि केही अप्रिय घटनाका बाबजुद निर्वाचन शान्तिपूर्ण रुपमा सम्पन्न हुनु चाहिँ सकारात्मक रहेको बताए ।

प्रतिकृया दिनुहोस