समाचारसोमबार, २ भाद्र , २०७६

गोर्खा ब्रुअरी प्रकरणः छानबिनमा तानिएका न्यायाधीशले दिए राजीनामा

शरद ओझा

गोर्खा ब्रुअरीको पक्षमा अन्तरिम आदेश जारी गरेपछि छानबिनको दायरामा तानिएका न्यायाधीश जीवनहरि अधिकारीले राजीनामा दिएका छन् ।

९ साउनमा प्रधानन्यायाधीश चोलेन्द्र शमशेर राणाको एकल इजलासले क्षेत्राधिकार नभएको मुद्दा दर्ता गरी अन्तरिम आदेश जारी गरेको भन्दै उच्च अदालत पोखरामा कार्यरत न्यायाधीश रामचन्द्र यादव, नरबहादुर शाही र जीवनहरि अधिकारीमाथि छानबिन र कारबाही गर्न न्यायपरिषदमा लेखी पठाउन आदेश दिएको थियो ।

सर्वाेच्चको आदेश लगत्तै तीनै जना न्यायाधीशलाई उच्च अदालत पोखराबाट न्यायपरिषद् सचिवालयमा काज सरुवा गरिएको थियो ।

आदेशपछि न्यायपरिषद् बैठकले उच्च अदालत पोखराका न्यायाधीशले जारी गरेको आदेशका विषयमा छानबिन गर्न सर्वाेच्चका न्यायाधीश सपना प्रधान मल्लको नेतृत्वमा छानबिन समिति गठन गरेको थियो । उक्त छानबिन समितिले उच्च अदालतले जारी गरेको आदेशका विषयमा छानबिन गरिरहेको छ ।

उमेर हदका कारण अधिकारी आगामी फागुनमा सेवा निवृत्त हुुँदै थिए । तर, गोर्खा ब्रुअरीको पक्षमा जारी भएको अन्तरिम आदेश विवादित भएपछि पदावधि समाप्त हुनु भन्दा ७ महीना अगाडि राजीनामा दिएका हुन् ।

सोमबार प्रधानन्यायाधीश राणालाई बुझाएको राजीनामा पत्रमा अधिकारीले गोर्खा ब्रुअरीका पक्षमा आदेश जारी गर्दा कुनै दोष नभएको दाबी गरेका छन् ।

गाेर्खा ब्रुअरी प्रकरणमा हिमालले लगातार फलाेअप स्टाेरी गर्दै आएकाे छ । 

गोर्खा ब्रुअरी अन्तःशुल्क प्रकरणमा तीन न्यायाधीशलाई कारवाहीको आदेश

गोर्खा ब्रुअरी मुद्दामा ‘अन्तरिम आदेश’ कार्यान्वयन नगर्न सर्वोच्चको आदेश

गोर्खा ब्रुअरीसँग ८८ करोड अन्तःशुल्क असुल्ने बाटो खुल्यो

न्यायाधीशमाथि छानबिन गर्न समिति गठन

गोर्खा ब्रुअरीको डेढ अर्बकाे अन्तःशुल्क विवाद

प्रतिकृया दिनुहोस