थप समाचारशनिबार, २५ श्रावण , २०७६

कश्मीरमा डोभालको ‘हिलिङ टच !’, अनन्तनागपछि पुलवामा

हिमालखबर

जम्मूकश्मीरमा स्थिति सामान्य बनाउनका लागि शनिबार मोदी सरकारका राष्ट्रिय सुरक्षा सल्लाहकार अजीत डोभाल अनन्तनागपछि पुलवामा पुगेको तस्वीर सार्वजनिक भएको छ ।

तस्वीर : इन्डिया टुडे

उनले स्थानीयहरूसँग भेटघाट गर्दै गरेको फोटो समाचारमा आएको छ । त्यहाँ जनजीवन केही सहज बनाउन धारा १४४ लाई केही लचिलो बनाएको बताइएको छ ।

डोभालले पुलवामाका स्थानीयहरूसँग भेटघाट गरेको र उनीहरूबारे जानकारी लिएको बताइएको छ ।

श्रीनगरमा धारा १४४ मा केही छूट दिएर ल्यान्डलाइन फोन र मोबाइलको भ्वाइस कलको सुविधा शनिबार साँझदेखि दिन सक्ने बताइएको छ इन्टरनेटको सुविधा चाहिं तत्काल नदिइने जनाइएको छ ।

अजीत डोभालले अनन्तनागमा ईदको तैयारीबारे जानकारी लिए । भेडमन्डी पनि पुगे ।

यसअघि उनी बुधबार शोपिया जिल्लामा सथानीयसँग कुराकानी गर्दै खाना खाएको भिडियो सार्वजनिक भएको थियो ।

डोभाल कश्मीरको स्वायत्तताबारे संवैधानिक धारा ३७० खारेज भएपछि त्यहाँको सुरक्षा अवस्थाबारे आकलन गर्न काश्मीरमा रहेका छन् ।

–एजेन्सी

प्रतिकृया दिनुहोस