समाचारआइतबार, २२ आषाढ , २०७६

विषादी जाँच गर्ने निर्णय फिर्ता लिएकामा संसदमा आपत्ति

रासस

सांसद अनिता देवकोटाले भारतलगायत तेस्रो मुलुकबाट आउने तरकारी तथा फलफूलमा हालिएकाे विषादी जाँच गर्ने निर्णय सरकारले फिर्ता लिएकामा आपत्ति जनाएकी छन् ।

राष्ट्रियसभाको आइतबारको बैठकको प्रारम्भमै उनले भनिन्, “भारतलगायत तेस्रो मुलुकबाट आउने तरकारी जाँच गर्ने भनिएको थियो तर सरकारले त्यो निर्णय किन फिर्ता लियो ? विषादीयुक्त तरकारी उत्पादन र बिक्री वितरणमा कडाइका साथ रोक लगाइयोस्, जनताको स्वास्थ्यको ख्याल गरियोस् ।”

सांसद देवकोटाले सर्लाही जिल्लामा खोलामा उत्खननका क्रममा पुरिएको बालकको उद्धारमा प्रहरी प्रशासनको ढिलाइका कारण उनको मृत्यु भएको आरोप लगाइन् ।

उद्धारमा प्रहरी प्रशासनको ढिलाइप्रति स्थानीयवासीले गरेको आन्दोलनमा प्रहरीले दमन गरेर आतङ्क मच्चाएकाले त्यसबारे स्पष्टीकरण दिन पनि उनले माग गरिन्।

प्रतिकृया दिनुहोस