खेलकुदशुक्रबार, २० आषाढ , २०७६

नेपालद्वारा सिङ्गापुरलाई ३२७ रनको लक्ष्य

यु–१९ इस्टर्न रिजन क्रिकेट

हिमालखबर

मलेसियामा जारी एसिसी यु–१९ इस्टर्न रिजन क्रिकेट प्रतियोगिताअन्तर्गत आज भएको समूह चरणको अन्तिम खेलमा नेपालले सिङ्गापुरलाई जितका लागि ३२७ रनको विशाल लक्ष्य दिएको छ ।

जवाफी ब्याटिङमा उत्रेको सिङ्गापुरले २० ओभरमा ६ विकेट गुमाउँदैं ५१ रनमात्र बनाएको छ ।

क्वालालम्पुरस्थित किनारारा ओभल क्रिकेट मैदानमा टस जितेर पहिले ब्याटिङ गरेको नेपालले ५० ओभर पूरै ब्याटिङ गर्दै नेपालले चार विकेटको क्षतिमा ३२६ रन बनायो ।

नेपालका लागि रित गौतमले ११५ रनको योगदान दिए । १३७ बल खेलेका उनले एक छक्का र १० चौका प्रहार गर्दै अविजित रहे ।

खड्क बोहोराले ९० रनको योगदान दिँदा कुशल मल्लले अविजित ५१ तथा पवन सर्राफले ४५ रन जोडे ।

बलिङतर्फ सिङ्गापुरका प्रणव सुदर्शन राजेश कृष्णन् र भिनित चितेस मेहताले समान दुई /दुई विकेट लिए ।

यसअघि भएको पहिलो खेलमा नेपालले चीनलाई १० विकेटले पराजित गर्दै सेमिफाइनलमा प्रवेश गरेको थियो । यस खेलले समूह विजेता र उपविजेताको टुङ्गो लाग्नेछ ।


प्रतिकृया दिनुहोस