थप समाचारआइतबार, १ आषाढ , २०७६

भारतले २८ अमेरिकी बस्तुमा भन्सारदर बढायो

हिमालखबर

भारतले अमेरिकाबाट आयात हुने २८ उत्पादनमा भन्सार दर बढाएको छ ।

तस्वीर : द हिन्दु

भारत सरकारले अमेरिकाबाट आयात हुने बदाम, ओखर, दाललगायत २८ बस्तुमा आइतबारदेखि लागू हुने गरी भन्सार आयात शुल्क बढाएको हो ।

भारतको यस कदमबाट अमेरिकाबाट यी बस्तुहरू आयात गर्ने व्यापारी प्रभावित हुनेछन् । भारतमा यी बस्तुहरू ७० प्रतिशतसम्म महंगा हुनेछन् ।

शनिबार भारतको केन्द्रीय अप्रत्यक्ष कर एवं सीमा शुल्क बोर्ड (सीबीआईसी) ले करसम्बन्धी नयाँ सूचना जारी गरेको हो ।

भारतबाट अमेरिका निर्यात हुने आल्मुनियम र स्टीलमा अमेरिकाले दिदै आएको छुट रद्द गरेर कर लगाएपछि भारतले पनि यस्तो कदम उठाएको बताइन्छ ।

यसै महीनाको शुरुवातमा अमेरिकाले भारतलाई दिँदै आएको व्यापारिक सुविधा ‘विशेष व्यापारको दर्जा’ पनि फिर्ता लिएको थियो ।

भारतमा अमेरिकी सामानमा न्यायसंगतरूपमा पहुँच नदिएको अमेरिकाको आरोप रहेको बताइन्छ ।

यसअघि अमेरिकी राष्ट्रपति डोनाल्ड ट्रम्पले भारतमा अमेरिकी मोटरसाइकलमाथि भारतले १०० प्रतिशतसम्म भन्सार कर लगाएको प्रति आपत्ति जनाएका थिए ।

प्रतिकृया दिनुहोस