समाचारआइतबार, १२ जेठ , २०७६

जाजरकोटका स्वास्थ्यकर्मीलाई बिदामा नबस्न निर्देशन

हिमालखबर

 

जाजरकोटका स्वास्थ्यकर्मीलाई बिदामा नबस्न निर्देशन दिइएको छ । 

जागरकाेट सदरमुकाम खल‌ंगा र आसपासकाे क्षेत्र ।  तस्वीर स्राेत : सुरेश भण्डारी

महामारी फैलन सक्ने मौसम शुरु भएकाेले स्वास्थ्यकर्मीलाई बिदामा नबस्न परिपत्र गरिएकाे प्रमुख जिल्ला अधिकारी ललितकुमार बस्नेतले बताए ।

विगत वर्षहरुमा याे माैसममा  झाडापखाला, 'सिजनल फ्लु' लगायतका रोगका कारण जाजरकोटमा २०५० जनाको मृत्यु भएको थियो ।

२०६६ मा झाडापखालाका कारण १५३ जना, २०७१ को चैत र २०७२ वैशाखमा 'सिजनल फ्लु'का कारण २७ जना र २०७४ माघमा रुघाखोकीबाट १२ जनाको मृत्यु भएको तथ्या‌ंक छ ।  

अत्यावस्यक कामबाहेक बिदामा नबस्ने र बिदा लिनैपर्ने अवस्था आएमा वैकल्पिक व्यवस्था गरेर मात्र बिदा बिदा स्वीकृत गर्न निर्देशन दिइएको प्रमुख जिल्ला अधिकारी बस्नेतले बताए । 

जाजरकोटका धेरै गाउँमा मानिसहरु बिरामी हुँदा स्वास्थ्य संस्थाको साटो धामीझाँक्रीकहाँ जान्छन् । 

२०७१ मा खुल्ला दिशामुक्त घोषणा गरिएकाे भएपनि जाजरकाेटमा धेरैले शौचालय प्रयोग गर्दैनन् ।

सरकारी तथ्यांकमा जाजरकोटका ८७ प्रतिशत जनताको पहुँचमा शुद्ध खानेपानी पुगेको भनिएकाे छ तर ७५ प्रतिशत मानिसले दूषित पानी पिउने गरेको विभिन्न संघसंस्थाहरुको अध्ययनमा देखिएको छ । दूषित पानीकै कारण धेरैजसो सरुवा रोग फैलिने गरेको स्वास्थ्यकर्मीहरुको भनाइ छ ।

भौगोलिक रूपमा निकै विकट रहेको जाजरकोटमा ७७ वडा छन् । सरकारले एक वडा एक स्वास्थ्य संस्था बनाउने नीतिगत निर्णय गरिसकेको भए पनि ४२ वडा स्वास्थ्य संस्थाविहीन छन् । 

भएका ३५ स्वास्थ्य संस्थामा पनि दरबन्दीअनुसार स्वास्थ्यकर्मी नभएको वर्षौं भएको स्थानीयवासीको गुनासो छ।

 

प्रतिकृया दिनुहोस