भेरी-बबई डाइभर्सन :'विद्युतमा कर्णालीले ३० प्रतिशत लाभ पाउनुपर्छ"
आर्थिक मामिला तथा योजनामन्त्री प्रकाश ज्वालाले राष्ट्रिय गौरवको आयोजना भेरी बबई डाइभर्सन आयोजना कर्णाली प्रदेशको हितमा नभएको बताएका छन् ।
उनले यस आयोजनाबाट कर्णालीलाई लाभ नहुने भन्दै आयोजनाबाट निकालिने विद्युतमा कर्णाली प्रदेशको सहभागिता हुनुपर्नेमा जोड दिए ।
नेपाल धितोपत्र बोर्डले आज आयोजना गरेको कर्णाली प्रदेशका पत्रकारका लागि आर्थिक तथा धितोपत्र बजारसम्बन्धी तालीम प्रशिक्षण एवं अन्तरक्रिया कार्यक्रममा उनले आयोजनाबाट निकालिएको विद्युतमा कर्णालीलाई पनि ३० प्रतिशतसम्म लाभ पाउने कुरा छलफल भएको बताए ।
‘भेरी बबई कर्णालीको ‘प्रोजेक्ट’ होइन, यसबाट प्रदेश पाँचलाई फाइदा पुग्छ’, उनले भने, “कर्णाली प्रदेशको भेरीको पानी प्रयोग भएबापत हामीले केही लाभ पाउनुपर्छ, आयोजनाबाट निकालिने विद्युतमा हाम्रो पनि सहभागिता हुनुपर्छ ।”
आयोजनाबाट प्रभावित जिल्ला दैलेख, सुर्खेत र सल्यानलगायत जिल्लालाई पनि आयोजनाबाट विशेष लाभ दिनुपर्नेमा उनको जोड थियो ।