समाचारआइतबार, २९ बैशाख , २०७६

आज फ्लोरेन्स नाइटिङ्गलको जन्मदिन, अन्तर्राष्ट्रिय नर्सिङ दिवसको रुपमा मनाइँदै

हिमालखबर

आज आधुनिक नर्सिङका संस्थापक फ्लोरेन्स नाइटिङ्गलको जन्मदिन । अन्तर्राष्ट्रिय नर्सिङ दिवसको रुपमा विभिन्न कार्यक्रम गरी मनाइँदै छ ।

अन्तर्राष्ट्रिय नर्सिङ काउन्सिल (आईसीएन)को आह्वानमा नाइटिङ्गलको जन्मदिन (१२ मे) लाई नर्सिङ दिवस मनाउने गरेको छ ।

दिवसको अवसरमा नेपालमा पनि नर्सिङ कलेज तथा सम्बन्धित संघसंस्थाहरूले विभिन्न कार्यक्रम आयोजना गर्दैछन्।

नेपालमा नर्स, अनमी र विदेशबाट नेपालमा काम गर्न आएका गरी ४८ हजार ९ सयभन्दा धेरै नर्स रहेको नेपाल नर्सिङ परिषदले जनाएको छ ।

नेपालमा नर्सिङ अध्ययनका लागि सरकारी तथा निजी लगानीका गरी साढे २ सय शिक्षण संस्था छन् ।

ति संस्थाले हरेक वर्ष उत्पादन गर्ने ८ हजारभन्दा धेरै नर्सहरु रोजगारी नपाउने समस्याबाट पीडित छन् । काममा विभेद हुनेगरेको पनि उनीहरुको गुनासो छ ।

प्रतिकृया दिनुहोस