खेलकुदआइतबार, १० चैत्र , २०७५

पहिलाे खेलमा परेनन् सन्दीप

हिमालखबर

इन्डियन प्रिमियर लिग (आइपीएल)को मुम्बई इन्डियन्स्विरुद्ध दिल्ली क्यापिटल्सको पहिलाे खेलमा नेपाली युवा स्पिनर सन्दीप लामिछाने टोलीमा परेनन्।

सन्दीप लामिछाने । तस्वीर: दिल्ली क्यापिटल्स

भर्खरै सार्वजनिक टोलीको नामावलीमा सन्दीपसँगै अर्का स्पिनर अमित मिश्रा पनि टोलीमा छैनन् ।

दुईको स्थान स्पिनर राहुल तेवातियाले लिएका छन् । पिच तेज गतिका बलरका लागि बढी उपयुक्त हुने ठानिएकाले पनि स्पिनरको कम प्रयोग गरिएको अनुमान गरिएको छ ।

अघिल्लो आइपीएलमा अन्तिम खेलहरुमा मात्र मौका पाएका सन्दीपले यो संस्करणमा शुरुआती खेलबाटै मौका पाउने अपेक्षा नेपाली दर्शकहरुले गरेका थिए ।

मुम्बईले टस जितेर बलिङ रोजेको छ । दिल्ली अहिले ब्याटिङको तयारी गरिरहेको छ ।

प्रतिकृया दिनुहोस