अर्थ/बजारमंगलबार, १४ फाल्गुण , २०७५

‘पठाओ’को सेवा नरोक्न सर्वोच्चको आदेश

हिमालखबर

सर्वाेच्च अदालतले यातायातको क्षेत्रमा निजी व्यवसाय सञ्चालन गरिरहेको ‘पठाओ’को सेवा रोक्न अस्वीकार गरेको छ ।

न्यायाधीश केदारप्रसाद चालिसे र अनिलकुमार सिन्हाको संयुक्त इजलासले मंगलबार मोटरसाइकल र स्कुटरबाट निजी व्यवसाय सञ्चालन गरिरहेको ‘पठाओ’को सेवा रोक्न अस्वीकार गरेको हो।

निजी प्रयोजनमा प्रयोग हुने मोटरसाइकल र स्कुटरमा व्यवसाय चलाउन रोक लगाउन माग गर्दै श्यामकुमार श्रेष्ठले गत २८ माघमा सर्वोच्च अदातलमा रिट निवेदन दायर गरेका थिए ।

यातायात व्यवस्था ऐन, २०४९ को दफा ८ को उपदफा १ बमोजिम दर्ता भएका सवारीसाधनले उपदफा २ बमोजिम निजी सवारीसाधन यातायात व्यवसायकै रुपमा प्रयोग गर्न नपाइने रिट निवेदनमा उल्लेख छ । अदालतको अन्तिम फैसलामा सो व्यवसाय हाललाई रोक लगाउन नपर्ने उल्लेख
छ । –रासस

प्रतिकृया दिनुहोस