कला/साहित्यआइतवार, पौष २९, २०७५

गजललाई व्यावसायिक बनाउने जमर्को

हिमालखबर

‘मेरो भूगोल त्यति नै हो जहाँ तिमी अटाउँछौ
मेरो जीवन त्यति नै हो जति तिमी कटाउँछौ’

तस्वीरहरु: शीतल कादिम्बिनी

केही दिनमै बजारमा आउन लागेको गीतसँगै गायक रामकृष्ण ढकाल नयाँबानेश्वरको कुञ्ज थिएटरमा गुञ्जिए ।

ढकालले गीतकार विष्णुबाबु देवकोटाको शब्दमा स्वरसम्राट नारायण गोपालको अन्तिम संगीत गाउँदै गर्दा थिएटर संगीतमय बन्यो ।

सुगम संगीतमा पु¥याएको योगदानका लागि घोस्ट राइटिङ नेपाल र लेखन कुञ्जले २८ पुसमा आयोजना गरेको गीत, गजल र शीतल कार्यक्रममा गायक ढकाललाई सम्मान पनि गरियो ।

कार्यक्रममा गीतकार विष्णुबाबु देवकोटा र गजलकार ईश्वर दाहालले गजल प्रस्तुत गरेका थिए ।

गीत, गजल र साहित्यलाई व्यावसायिक बनाउने उद्देश्यका साथ प्रत्येक महीनामा दुई पटक गजल वाचन गर्ने जमर्को गरेको घोस्ट राइटिङ नेपालका प्रबन्ध निर्देशक कमल ढकालले जानकारी दिए । उनले भने “प्रत्येक श्रृंखलामा दर्शकको बढ्दो जमातले थप हौसला दिएको छ ।”

लेखन कुञ्जले गजल प्रस्तुतिको सातौँ श्रृंखला सञ्चालन गरिसकेको छ । गजललाई व्यावसायिक बनाउनका लागि टिकटको पनि व्यवस्था गरिएको आयोजकको भनाइ छ ।

 

प्रतिकृया दिनुहोस