खेलकुदसोमवार, पौष २३, २०७५

रियल मड्रिडको अर्को हार, बार्सिलोना शीर्षस्थानमा अग्रता बढाउँदै

हिमालखबर

रियल मड्रिडले स्पेनिस ला लिगामा खराब प्रदर्शनलाई निरन्तरता दिने क्रममा अर्को हार व्यहोरेको छ। आइतबार रातिको खेलमा रियल सोसिडाडसँग २-० गोलले पराजित भएपछि मड्रिड लिगको अंक तालिकाको पाँचौं स्थानमा खस्केको छ।

लिगका १८ खेलमा रियलको यो छैटौं हार हो। तीन खेल बराबरी खेलेको र ९ खेलमा जित हात पारेको रियल ३० अंकसहित तालीकाको पाँचौं स्थानमा छ। शीर्षस्थानको बार्सिलोनाको समान खेलबाट ४० अंक पुगेको छ।

बार्सिलोनाले सोमबार बिहान भएको खेलमा गेटाफेलाई २-१ ले पराजित गर्दै शीर्षस्थानमा स्पष्ट ५ अंकको अग्रता कायम गर्‍यो। बार्सिलोनाको जितमा लिओनल मेस्सी र लुइस सुआरेजले गोल गरे। समान खेलबाट दोस्रो स्थानको एटलेटिको मड्रिडको ३५, तेस्रो स्थानको सेभियाको ३३ र चौथो स्थानको अलाभेसको ३१ अंक छ।

प्रतिकृया दिनुहोस