समाचारबिहिवार, मंसिर २०, २०७५

एअरपोर्ट सिटीका नाममा जंगल मास्न पाइँदैनः माधवकुमार नेपाल

हिमालखबर

संघीय संसद्को अन्तर्राष्ट्रिय सम्बन्ध समिति र पर्यटन तथा नागरिक उड्डयन अध्ययन अनुगमन उपसमितिका संयोजक माधवकुमार नेपालले निजगढ अन्तर्राष्ट्रिय विमानस्थल र एअरपोर्ट सिटीका नाममा जंगल मास्न नपाइने बताएका छन् ।

निजगढ अन्तर्राष्ट्रिय विमानस्थल निर्माण क्षेत्रभित्र पर्ने बाराको टाँगिया बस्ती । तस्वीरः मुकेश पोखरेल

आज निजगढ विमानस्थल निर्माण क्षेत्रको स्थलगत अवलोकन गर्दै नेपालले आवश्यकताका आधारमा मात्र रुख कटान गरिनुपर्ने बताएका हुन् ।

नेपालले वातावरणमा असर नपर्ने गरी विमानस्थल निर्माण गर्नुपर्नेमा जोड दिएका छन् । अवलोकनपछि उपसमिति संयोजक नेपालले तत्काल एउटामात्र धावनमार्ग बनाउनुपर्ने धारणा राखे ।

स्थलगत अनुगमन गर्दै उपसमितिले सिमरा, कोल्वी, निजगढ र कलैयालाई एअरपोर्ट सिटीका रुपमा अघि बढाउन विकल्प सुझाएको छ ।

प्रतिकृया दिनुहोस